Казакстандын Финансы министрлиги унаалардын чек арадан өткөрүлбөй жатканын атайын операция менен байланыштырып койду

Назира Абдиева

22 авг. 2023 17:52

Казакстандын Финансы министри Ерулан Жамаубаев кыргыз-казак чек арасында бир нече жүз жүк ташуучу унаанын кармалышынын себебин түшүндүрдү. Анын айтымында, өткөрүү бекетиндеги тоскоолдуктар Казакстандын атайын кызматтарынын иштешине байланыштуу болгон.

Казак ЖМКларынын жазганына караганда, Казакстандын Финансы министри өкмөттүн жыйынында журналисттердин суроолоруна жооп берип жатып, казак кызматы Кыргызстан менен чек арада баңги затка каршы операция жүргүзүлүп жатканын, мындан улам КРдан Казакстанга унааларды өткөрүү жол-жоболору татаалдашканын айткан.

"Ал жерде бажы жок, бул ЕАЭБдин ички чек арасы, менин билишимче, баңгизаттарды текшерүү операциясы жүргөн, ошондуктан азыр Чек ара кызматы тарабынан тыкыр текшерүү жүрүп жатат", - деген министр.

Эскерте кетсек, 21-22-август күндөрү "Ак-Тилек" постунда Казакстан тарапка унаалардын тыгыны катталган. Дүйшөмбү күнү, КР Чек ара кызматынын маалыматы боюнча, үч гана жүк ташуучу унаа чек арадан өтүп, ошол эле күнү кечке жуук өткөрүү пунктунун жанында 370тен кем эмес жүк ташуучу унаа тизилип калган, ал эми 22-августта түшкө чейин алардын саны 430дан ашкан.

Кыргызстанда бир катар эксперттер казак чек арасындагы транспорттук тыгынды быйыл жайда пайда болгон эки өлкөнүн ортосундагы суу кризиси менен байланыштырышууда.

Мындан тышкары окуңуз

Өткөн жылы 2541 адамга алгачкы пенсия дайындалды

Социалдык фонд 2026-жылдын январь айында 3 миң 346 пенсиялык ишти карап чыкты. Анын ичинен 2 миң 541 жаранга пенсия биринчи жолу дайындалды, ал эми 805 пенсионердин пенсиясы кайрадан эсептелди. Кайра эсептөө эмгек стажы, эмгек акысы, окуусу жана майыптыгы тууралуу кошумча документтердин негизинде жүргүзүлдү. Пенсиялык камсыздоо боюнча суроолор боюнча 1202 кыска

Президент айдоочулук күбөлүк берүү тартибиндеги өзгөрүүлөрдү түшүндүрдү

Президент Садыр Жапаров жеке автомектептерде айдоочулук күбөлүктөрдү “под ключ” алуу практикасы болуп келгенин билдирди. Бул тууралуу ал Транспорт каражаттарын жана айдоочулук курамды каттоо боюнча мамлекеттик борборго ("Унаа") барган учурда билдирди. Мамлекет башчысынын айтымында, айрым автомектептер даяр айдоочулук күбөлүк үчүн 60-70 миң сомдон 1 миң долларга чейин акча алышкан.

Эмгек акыны кечиктирген иш берүүчүлөр айып төлөйт

Эмгек, социалдык камсыздоо жана миграция министрлиги жаңы Эмгек кодексине киргизилген өзгөртүүлөр тууралуу маалымдады. Министрликтин билдирүүсүнө ылайык, эмгек акыны, өргүү акысын, жумуштан бошотууда эсептешүүнү же башка төлөмдөрдү кечиктирген иш берүүчүлөр үчүн айыптын бирдиктүү пайызы белгиленди. Эми төлөмдөр кечиктирилген ар бир календардык күн үчүн төлөнбөй калган суммага 0,25% кошумча эсептелет. Мындан

Данияр Амангелдиев америкалык ири компаниялар менен инвестициялык кызматташууну талкуулады

Министрлер Кабинетинин Төрагасынын биринчи орун басары Данияр Амангелдиев америкалык ири компаниялардын өкүлдөрү менен жолугушуп, Кыргызстандагы инвестициялык кызматташуунун келечеги тууралуу пикир алышты. Бул тууралуу Өкмөттүн басма сөз кызматынан билдиришти. Жолугушууда ал өлкөдө ири инфраструктуралык, энергетикалык жана өнөр жай долбоорлору активдүү ишке ашырылып жатканын белгиледи. Алардын ичинен аймактагы эң маанилүү демилгелердин бири