Sign in Subscribe

Казакстандын Финансы министрлиги унаалардын чек арадан өткөрүлбөй жатканын атайын операция менен байланыштырып койду

Назира Абдиева

— 1 min read
Казакстандын Финансы министрлиги унаалардын чек арадан өткөрүлбөй жатканын атайын операция менен байланыштырып койду

Казакстандын Финансы министри Ерулан Жамаубаев кыргыз-казак чек арасында бир нече жүз жүк ташуучу унаанын кармалышынын себебин түшүндүрдү. Анын айтымында, өткөрүү бекетиндеги тоскоолдуктар Казакстандын атайын кызматтарынын иштешине байланыштуу болгон.

Казак ЖМКларынын жазганына караганда, Казакстандын Финансы министри өкмөттүн жыйынында журналисттердин суроолоруна жооп берип жатып, казак кызматы Кыргызстан менен чек арада баңги затка каршы операция жүргүзүлүп жатканын, мындан улам КРдан Казакстанга унааларды өткөрүү жол-жоболору татаалдашканын айткан.

"Ал жерде бажы жок, бул ЕАЭБдин ички чек арасы, менин билишимче, баңгизаттарды текшерүү операциясы жүргөн, ошондуктан азыр Чек ара кызматы тарабынан тыкыр текшерүү жүрүп жатат", - деген министр.

Эскерте кетсек, 21-22-август күндөрү "Ак-Тилек" постунда Казакстан тарапка унаалардын тыгыны катталган. Дүйшөмбү күнү, КР Чек ара кызматынын маалыматы боюнча, үч гана жүк ташуучу унаа чек арадан өтүп, ошол эле күнү кечке жуук өткөрүү пунктунун жанында 370тен кем эмес жүк ташуучу унаа тизилип калган, ал эми 22-августта түшкө чейин алардын саны 430дан ашкан.

Кыргызстанда бир катар эксперттер казак чек арасындагы транспорттук тыгынды быйыл жайда пайда болгон эки өлкөнүн ортосундагы суу кризиси менен байланыштырышууда.

Read more

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунун Шумкар-Уя айыл өкмөтүндө таштандыларды сорттоочу ишкана ачылды. Бул тууралуу Талас облусундагы президенттин ыйгарым укуктуу өкүлдүн аппаратынан билдиришти. Шумкар-Уя айыл өкмөтүнүн аймагында аянты 1,5 гектарды түзгөн «Шумкар» ишканасы курулган. Жергиликтүү бийлик ишкана аймактагы экологиялык абалды жакшыртууга жардам берип, күнүнө 10-15 тонна таштандыны кайра иштетет деген ишенимде. Айыл өкмөтүнүн
«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» компаниясы 2024-жылдын башынан бери 7.48 млрд сом төлөп, мамлекеттик бюджетке салык төлөмдөрү боюнча жаңы рекорд койду. Бул тууралуу компаниянын басма сөз кызматы билдирди. Тоо-кен компаниясында белгиленгендей, 2023-жылы «Альянс Алтын» рекорддук көрсөткүчтү 4,4 тонна алтын өндүргөн, бул өткөн жылдардагы көрсөткүчтөрдөн бир топ жогору. Ошол эле учурда салык
Жыл башынан бери «Альянс Алтындын» салык төлөмдөрү 6.2 млрд сомду түздү

Жыл башынан бери «Альянс Алтындын» салык төлөмдөрү 6.2 млрд сомду түздү

2024-жылдын январь-сентябрь айларында Жерүй кенин иштетип жаткан «Альянс Алтын» кен казуучу компаниясы бюджетти дээрлик 6.2 млрд сомго толуктаган. Сентябрь айында салык төлөмдөрү 767 млн сомдон ашты. Бул тууралуу компания Economist.kgге билдирди. «Альянс Алтын» белгилегендей, алтынды сатуудан түшкөн салык отчеттук мезгилде дээрлик 5 млрд сомго жеткен. Ал эми сентябрь
«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» тоо-кен казуучу компаниясы Кыргызстандагы ТОП-5 мыкты ишканалардын катарына кирди. Рейтинг Улуттук статистика комитетинин расмий сайтында жарыяланды. Мекеменин маалыматы боюнча, ишкана престиждүү республикалык көрсөткүчтө төртүнчү орунду ээлеген. «Альянс Алтын» белгилегендей, бул жетишкендик компаниянын тоо-кен тармагын өнүктүрүүгө умтулуусу жана өлкөнүн экономикасына жигердүү салымынын аркасында мүмкүн болду.