Курулуш компаниялары чакан жер тилкелерине көп кабаттуу үй курганы суу менен камсыздоодо көйгөй жаратууда

Ишкер Media

09 окт. 2023 16:35

Курулуш компаниялары чакан жер тилкелерине көп кабаттуу үй курушууда. Мындай курулуштар суу менен камсыз кылууда кыйынчылыктарды жаратат. Бул тууралуу Economist.kg сайты уюштурган "Кыргызстандагы курулуш бизнесинин көйгөйлөрү" аттуу тегерек столдо Жер титирөөгө туруктуу курулуш жана инженердик долбоорлоо мамлекеттик институтунун директору Камчыбек Кенжетаев билдирди.

Анын айтымында, курулушчулар беш жер үй сатып алышып эле кичине жерге көп кабаттуу үйдүн курулушун баштап жатышат. Азыр шаарда мындай учурлар көп, шаардык кызматтар ар бирин өзүнчө тейлей албайт.

"Бул бардык кызматтар үчүн көйгөй жаратып келет. Суу менен камсыздоо кубаттуулугу жетишсиз. Маселе системалар көп жыл мурун салынганында. Жылуулукка байланыштуу бул маселени чечсе болот, бирок электр энергиясы жана суу менен камсыздоодо мындай көйгөйлөр сакталып калууда», - деп баса белгиледи Кенжетаев.

Анын пикирине Мамлекеттик архитектура-курулуш көзөмөл департаментинин Бишкек шаардык башкармалыгынын башчысы Зоодар Атакеев да кошулат. Ал белгилегендей, курулушчулар уруксат алганга чейин эле курулуш иштерин баштап салышат.

"Компаниялар 4.5 сотых жер тилкесин сатып алып, балдар аянтчалары жана унаа токтотуучу жайлары жок жети кабаттуу үй кура башташат. Мунун баары кийинки көйгөйлөрдү жаратат", - дейт Атакеев.

Мындан тышкары окуңуз

А. Шыкмаматов: Былтыр бизнеске салык жеңилдиктери кеңейтилди

Салык кызматынан билдиришкендей, 2025-жылы ведомствонун ишинин жыйынтыгы боюнча коллегиялык жыйында салык жүгүн азайтуу жана салык жеңилдиктерин кеңейтүү боюнча масштабдуу саясат жүргүзүлгөнү белгиленди. Жыйында Салык кызматынын төрагасы Алмамбет Шыкмаматов белгилегендей, артыкчылыктуу тармактар катары айыл чарба өндүрүшү жана кайра иштетүү, IT-индустриясы, энергиянын кайра жаралуучу булактары, тигүү жана зергерчилик тармактары, ошондой эле социалдык

Бишкекте жогорку класс окуучуларына планшеттерди алуу каралып жатат

Бишкек шаарындагы жогорку класстын окуучулары үчүн мектептерге планшеттерди сатып алуу мүмкүнчүлүгү каралууда. Бишкек шаардык кеңешинин экономика, бюджет, финансы жана инвестициялар боюнча туруктуу комиссиясынын жыйынында депутат Татьяна Кузнецова борбор калаадагы мектептердин компьютер менен камсыздалышы тууралуу суроо узатты. "Окуу планында информатика сабагы 9-класска чейин окутулат. Сабак сааттары окуу программасына ылайык болушу

Кыргызстандын 2 өткөрмө пунктунда 2025-жылы накталай эмес төлөмдөн 300 млн сом чогулган

"Сосновка" жана "Кара-Көл" өткөрмө пункттарында QR-код аркылуу накталай эмес төлөмдөр системасынын жардамы менен 2025-жылы 300 млн 266 миң 484 сом чогултулган. Бул көрсөткүч өткөн жылдын ушул эле мезгилине салыштырмалуу 35,48%га көп экенин Транспорт министрлиги билдирди. Министрликтин маалыматына ылайык, системаны өркүндөтүү жана көзөмөл механизмдерин күчөтүү

Кыргызстанда 2025-жылы жумушсуздардын саны 25%га кыскарды

Кыргызстанда 2025-жылдын жыйынтыгы боюнча жумушсуз жарандардын саны 22%га кыскарганын Эмгек министрлигинин коллегиясында министрдин биринчи орун басары Камчыбек Досматов билдирди. Анын айтымында, расмий жумушсуздуктун деңгээли 1,4%ды түздү. Бул көрсөткүч мурунку жылдарга салыштырмалуу төмөн. Тактап айтканда, 2021-жылы — 2,9%, 2022-жылы — 2,8%, 2023-жылы — 2,9%, 2024-жылы — 1,8% болгон.