«Альянс Алтын» КР бюджетине 28.4 млрд сом которду — компаниянын түзүлгөнүнө 10 жыл болду

Ишкер Media

02 июня 2025 14:40

2015-жылдан бери «Альянс Алтын» ЖЧКсы Кыргызстандын бюджетине 28.4 млрд сом которгон. 2025-жылдын апрель айында эле киреше 2 млрд сом түздү, анын 1.59 млрд сом алтынды сатуудан түшкөн салыктар. Тоо кен ишканасына 10 жыл толду. Бул тууралуу компаниянын басма сөз кызматы билдирди.

Бул убакыттын ичинде «Альянс Алтын» ачыктык, социалдык жана экологиялык жоопкерчилик принциптерине берилгендигин сактоо менен туруктуу өсүштү көрсөттү. Өлкөдө экинчи орунда турган Жерүй кени 2021-жылдан бери 17.6 тонна алтын өндүргөн. Руданы иштетүүнүн жылдык кубаттуулугу 1.3 млн тоннаны түзөт.

Ишкана Өнүктүрүү фондуна 1.2 млрд сом бөлгөн. Бул каражаттар мектептерди, бала бакчаларды, медициналык мекемелерди, спорттук имараттарды, маданий демилгелерди, жолдорду жана жарыктандыруу системаларын курууга жана колдоого жумшалды. Даректүү социалдык жардамга кошумча 317.8 млн сом бөлүндү.

Экологиялык демилгелерге жабык суу менен камсыздоо системаларын колдонуу, жерди мелиорациялоо, айлана-чөйрөгө дайыма мониторинг жүргүзүү кирет. Фаунаны калыбына келтирүү, анын ичинде марал жана кыргоолдорду чыгаруу, ошондой эле дарыяларды балык менен камдоо боюнча долбоорлор ишке ашырылууда.

«Альянс Алтын» мындан ары да өлкөнүн кызыкчылыгы үчүн, экономикалык өнүгүү, адамдардын бакубаттуулугу жана айлана-чөйрөнү коргоо ортосундагы тең салмактуулукту сактоо менен иштей бермекчи.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”