"Ак шумкарлар" Вьетнамды 2:1 эсебинде жеңди
Кечээ өлкөнүн футбол боюнча улуттук курамасы Вьетнамдын курамасы менен жолдоштук беттеш өткөрүп, 2:1 эсебинде жеңишке жетти. Бул тууралуу Кыргыз футбол биримдигинен кабарлашты.
Маалыматка ылайык, оюндун жүрүшүндө алгач атаандаштар эсеп ачып, биринчи тайм 1:0 эсебинде аяктаган.
Кыргызстандын атынан Валерий Кичин эсепти теңеп, Эрбол Атабаев акыркы мүнөттөрдө жеңиш голун киргизди.
Бул Кыргызстандын Вьетнамдагы окуу-машыгуу жыйынынын алкагындагы экинчи беттеши болду.
Белгилей кетсек, буга чейин Кыргызстандын улуттук курамасы Кытай Тайбэйинин командасын 3:0 эсебинде жеңген.
Күндүн негизги жаңылыктары — Telegram каналыбызда
Каналга катталуу