«Альянс Алтын» «жашыл» энергетика жана адам капиталына инвестициялоо курсун белгиледи

«Альянс Алтын» «жашыл» энергетика жана адам капиталына инвестициялоо курсун белгиледи

Ысык-Көлдө өткөн VII кыргыз-орус экономикалык форумунда «Альянс Алтын» компаниясы өз ишмердүүлүгүнүн негизги багыттары менен тааныштырды. Бул тууралуу ишкананын басма сөз кызматы билдирди.

Негизги көңүл Талас районундагы «Жерүй» кичи ГЭСинин курулушуна жана ЖОЖдор менен биргеликте билим берүү демилгелерин баштоого багытталган.

Кубаттуулугу 28 МВтка чейинки диверсиялык ГЭСти куруу боюнча инвестициялык долбоорду «Альянс Гидро» туунду компаниясы ишке ашырууда. Станция ири көлөмдөгү суу ташкындары жок жана дарыянын нугуна сууну толук кайтаруу менен жылына 100 миллион киловатт саатка жакын өндүрүштү камсыз кылат. Курулуштун баасы 39 слн долларга бааланып, анын 25 млн доллары Орус-Кыргыз өнүктүрүү фонду тарабынан каржыланат.

Энергетикалык блоктон тышкары компания Кыргыз-Орус Славян университети менен кызматташуу келишимине кол койгон. Документте инженердик-техникалык кадрларды даярдоо, биргелешкен билим берүү демилгелери жана илимий-практикалык долбоорлор каралган.

«Альянс Алтын» стендинде форумдун катышуучуларына Жерүй кениндеги технологиялык чечимдер, колдонулуучу экологиялык стандарттар, коопсуздук системасы жана аймактык колдоо программалары да көрсөтүлдү.

Компания энергетика, өнөр жай жана адамдык капитал тармагындагы туруктуу демилгелерге таянарын жана ошондой эле жаңы стратегиялык өнөктөштүккө ачык экенин баса белгиледи.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Нарындык ишкер жигит: "Кореядан жумушум боюнча тажрыйба алмашып келдим" (маек)

10 айда 5,3 млрд сомдук баалуу кагаздар сатылганы айтылды

20-ноябрда Селекция айылында суу убактылуу өчүрүлөт

"Ак шумкарлар" Вьетнамды 2:1 эсебинде жеңди

АКШдагы банктардын ишинде үзгүлтүк катталды: КРУБ КРда банк системасы туруктуу иштеп жатканын билдирди