Экологиялык акциянын жеңүүчүлөрү воркаут-аянтчалуу болушту
Бишкек шаарынын Свердлов районундагы №12; №66 жана №21 орто мектептер заманбап воркаут-аянтчалуу болушту. Атайын килемче төшөлгөн, спорттук машыгууларга ылайыкташкан аянтчада эми балдар дене тарбия сабагында жана андан сырткары бош убактыларын өткөрүшөт. Мындай жаңычылыкка мектептин жамааты жана окуучулары Мэрия тарабынан уюштурулган, экологиялык акцияга катышып, алдыңкы орундарды багындырганы үчүн жетишкен.
Бүгүн аталган аянчалардын расмий ачылышы болуп, ага Бишкек шаарынын вице мэри Рамиз Алиев катышып, окуучулардын саламаттыгы үчүн спорт аянчасынын зарылдыгы, тууралуу билдирди.
Жарым жыл мурда экологияны зыяндуу заттардан арылтуу максатында, “Сенин Эко Зарядың” аттуу кубаттуулугу түгөнгөн батареяларды чогултуу тууралуу Бишкек шаарынын бардык мектептеринде акция жарыяланган. Анын жыйынтыгында биринчи 3 орунду ээлеген 3 мектепке жергиликтүү курулуш компаниялары тарабынан вокраут-аянтчалар салынып берилди.
Мэрия өкүлдөрүнүн айтымында билим берүү мекемелеринин катышуусунда айлана-чөйрөөнү сактоого арналган мындай ишчаралар кийинки жылдары дагы өткөрүп турмакчы.
