Финансылык коопсуздук боюнча сынакта биздин жаштар ийгиликке жетишти
2025-жылдын 29-сентябрынан 3-октябрына чейин Россиянын Красноярск шаарында 40 өлкөдөн 600дөн ашуун катышуучуну бириктирген Финансылык коопсуздук боюнча V Эл аралык олимпиаданын финалы болуп өттү. КРнын агартуу министрлигинин маалыматына ылайык, олимпиадага КРнын Мамлекеттик башкаруу академиясы, КУУ, КМТУ, БМУ, КРСУ, КЭУнун студенттери, ошондой эле биринчи жолу төрт мектеп окуучусу катышкан.
Олимпиаданын жыйынтыгында Кыргызстандык катышуучулар үч номинация боюнча байгелүү орундарды ээлешкен:
Эл аралык мамилелер – Азим Жумаков;
Экономикалык коопсуздук – Алиса Семенова;
Маалыматтык коопсуздук – Дмитрий Кошевой.
Мындан тышкары, Бишкек шаарындагы №1 мектептин окуучусу Руслан Байсалов КМШ өлкөлөрүнүн арасынан биринчи орунду ээледи жана ноутбук менен сыйланды.
Олимпиаданын жыйынтыгында Мадагаскар Республикасынын өкүлдөрү менен финансылык коопсуздук жаатында билим берүү программалары боюнча кызматташуу макулдашылды.
