КРнын Финансы министрлиги сынак жарыялайт
КРнын Финансы министрлиги 2025-жылдын IVчейрегинде мамлекеттик сектордогу ички аудитордун квалификациялык сертификатын алуу укугуна сынак өткөрүү жөнүндө жарыялайт. Министрликтен кабарлагандай, квалификациялык сынактын датасы - 2025-жылдын 22-октябры. Андыктан, мамлекеттик сектордогу ички аудитордун квалификациялык сертификатын алууну каалагандар сынакка катышуу үчүн документтерди тапшырышы керектелет.
Квалификациялык экзаменге кирүүгө уруксат берүү үчүн талапкерлер төмөнкү документтерди Финансы министрлигине тапшырат:
1. квалификациялык сынакка кирүүгө уруксат берүү жөнүндө арыз;
2. паспорттун көчүрмөсү;
3. ЖОЖ дипломдун көчүрмөсү;
4. экономикалык иш стажысын тастыктаган эмгек китепчесинин көчүрмөсү;
5. 3x4 өлчөмүндөгү эки сүрөт.
6. ушул чөйрөдөгү мамлекеттик орган тарабынан берилген, соттолбогондугун күбөлөндүрүүчү документ.
Эскертүү: Ички аудитордун квалификациялык сертификатын алуу укугуна сынак мамлекеттик сектордо ички аудиторду сертификациялоо жөнүндө жобого ылайык жүргүзүлөт.
