Күн батареялары электр энергиясын үнөмдөөгө өбөлгө
«Кыргызстан улуттук электр тармагы» ААКы Бишкек шаарындагы беш кабаттуу административдик имаратынын чатырына күн панелдерин орнотуп, электр энергияга болгон муктаждыгын 30%га чейинки жабууга жетишкенин мекеменин басма сөз кызматы таратты.
Билдирүүгө караганда, бул имаратта Энергетика министрлиги, «Кыргыз энергетикалык эсеп борбору» ААКы, «Курулуп жаткан электр станцияларынын дирекциясы» ААКы жана башкалар жайгашкан.
Күн панелдери орнотулгандан бери имараттын электр тармагынан керектеген электр энергия көлөмү туруктуу түрдө кыскарып, жайкысын керектөөнүн 30%га чейинки бөлүгү күн панелдери камсыздап жатат.
Эске салсак, «Кыргызстан улуттук электр тармагы» ААКы имараттын чатырына күн панелдерин былтыр орноткон жана ошол убактан бери натыйжалуулугун көрсөтүүдө. Учурда республика боюнча 6 электр тармактар ишканасында жана райондук электр тармактарынын административдик имараттарында орнотулган.
