РКӨФ “Жууку” курорттук аймагын оңдоп-түзөөдө
Ысык-Көлдүн кооз капчыгайларынын бириндеги «Жууку» курорттук-ден соолукту чыңдоо комплексин реконструкциялоо жана кеңейтүү долбоору башталды. Бул долбоор Россия-Кыргыз өнүктүрүү фондунун (РКӨФ) колдоосу менен ишке ашырылууда. Бул тууралуу аталган фонддун расмий сайтында маалымдалган.
Маалыматта белгиленгедей, 2 гектар аянтка жайгашкан термалдык булак комплекси совет доорунан бери иштеп, Кыргызстандын тургундарына жана конокторуна жакшы белгилүү. Бул жерди заманбап оңдоп-түзөө үчүн фонд 30 млн сом бөлүп берген.
«Алгачкы этапта эле курорт 50 конок кабыл ала алат. Алар биринчи класстагы эс алууга жана ден соолукту чыңдоо мүмкүнчүлүгүнө ээ болушат. «Жууку» комплексин реконструкциялоо Ысык-Көл облусунда жыл бою туризмди өнүктүрүүнүн маанилүү элементи болуп калат»-деп РКӨФ Башкармасынын төрагасы А.Новиков белгилеген.
Мындан сырткары долбоорго ылайык, жабык бассейндерди оңдоп, дарылык касиетке ээ суусу бар жаңы ачык бассейнди куруу пландаштырылууда.
