Бишкек эркин экономикалык аймагы - РФ бизнес өкүлдөрүн кызыктырууда
«Деловая Россия» бизнес-ассоциациясынын өкүлдөрүнүн тобу КРна болгон иш сапарынын алкагында «Бишкек» эркин экономикалык аймагында (ЭЭА) болушту.
Анын жүрүшүндө ассоциациянын аткаруучу директору Жакып Жумаев конокторго Бишкек ЭЭАда түзүлгөн шарттар жана мүмкүнчүлүктөр тууралуу маалымат берип, ал жерде бизнес жүргүзүү үчүн бардык зарыл шарттар түзүлгөндүгүн ачык көрсөтүп берди.
Өз кезегинде Россия Федерациясынан келген ишкерлер тобунун өкүлү Вадим Юн - IT, өндүрүш, медицина, жеңил өнөр жай, транспорт, логистика тармактарында кызматташууга кызыкдар экенин билдирди. Ошондой эле «СИБЕКО» компаниясынын жетекчиси Дмитрий Камерлохер автоунаа тетиктерин чыгарууга чоң кызыгуу бар экенин белгиледи.
«Деловая Россия» ассоциациясынын өкүлдөрүнүн айтымында, алар өз ишмердүүлүгүн кеңейтүүгө ниеттенип, мындан аркы кызматташуу мүмкүнчүлүктөрүн Россияда изилдөөнү улантышат.
