Президент Футболду өнүктүрүү боюнча Улуттук программасын бекитти
Президент Садыр Жапаров 2026-жылдын 17-февралындагы №61 жарлыгы менен 2026–2034-жылдарга Футболду өнүктүрүү боюнча Улуттук программаны бекитти.
Ошондой эле ал программаны ишке ашыруу боюнча иш-чаралар планын, мониторинг жана баалоо көрсөткүчтөрүнүн матрицасын бекитти.
Бул чечим калкты футбол менен үзгүлтүксүз машыгууга массалык катыштырууну камсыз кылуу, футболчулардын чеберчилигин жогорулатуу жана жаштар арасында саламат жашоо образынын калыптанышына шарт түзүү максатында кабыл алынган.
Программанын ишке ашырылышына катышкан мамлекеттик органдарга жана жергиликтүү өз алдынча башкаруу органдарына (макулдашуу менен), ошондой эле юридикалык жактардын бирикмеси — Кыргыз футболчулар союзу (макулдашуу менен) төмөнкүлөр тапшырылды:
- Иш-чаралар планын белгиленген мөөнөттөрдө так аткаруу үчүн катуу чараларды көрүү;
- Ар жыл сайын иш-чаралар планынын негизинде өз иш планын түзүп, аткаруу;
- Ар жарым жылдык жыйынтык боюнча, отчеттук мезгилден кийинки айдын 5-числосуна чейин, иш-чаралар планынын аткарылышы боюнча маалыматты МинКаб алдындагы Дене тарбия жана спорт мамлекеттик агенттигине тапшыруу.
Жарлык расмий жарыяланган күндөн тартып он күндөн кийин күчүнө кирет.
