Өлкөдөгү миң кишинин 173ү жеңил автоунаага ээ
Улуттук статистика комитетинин маалыматына караганда, өткөн жылы автоунаа транспорту менен 54 млн. тонна жүк, же алардын көлөмүнүн 80 пайыздан ашыгы ташылган. Автоунаа транспорту менен жүк ташуулардын олуттуу бөлүгү (60%) жеке ишкерлер тарабынан ишке ашырылат.
2024-жылы жүк ташуулардын эң көп көлөмү Бишкек шаарынын, Талас, Чүй облустарындагы чарбалык субъекттерине туура келген.
Ал эми жүргүнчүлөрдү ташууда негизги көлөмдүн 90% ашыгы автоунаа транспортуна (автобус жана такси) туура келет.
2024-жылы жеке жактарга таандык автобустар жана таксилер менен 436 млн., же 70 пайыздан ашык жүргүнчүлөр ташылган, ал эми атайын автоунаа транспорт ишканалары тарабынан - 178 млн. жүргүнчүлөр же 30 пайызга жакыны ташылган. Адистештирилген автобустар жана электроавтобустар менен ташуунун көлөмү өткөн жылга салыштырганда 2,9 эсе өстү.
2025-жылдын 1-январына карата республикада жеке менчик ээлеринин менчигинде 1,2 млн. ашык жеңил авто унаалар болгон, алардын саны 2024-жылдын 1 январына салыштырмалуу 6 пайызга көбөйдү.
Республиканын туруктуу калкынын 1000ине алганда 173 жеңил автоунаа туура келген. Жеңил автоунаалардын эң чоң үлүшү Чүй облусунун (калктын миңине - 275 автоунаа), Бишкек шаарынын (249 автоунаа) туура келген.
