Улуттук банк жарандардын алтындарын сактап берүүгө даяр
Улуттук банк төрагасынын орун басары Азат Козубеков банк жарандардын алтындарын сактап берүү механизмин даярдап жатканын билдирди.
Анын айтымында, Улуттук банктын баалуу металлдарды сактоо кубаттуулугу кеңейген.
“Чындыгында, өлкө башчыбыз менен Улуттук банк төрагасы айткандай азыр банктын сактоо кубаттуулугу жетишерлик. Сактоонун мүмкүнчүлүктөрү тууралуу кенен маалымат азыр иштелип жатат жана ал аяктоо этабында турат”,-дейт ал.
Буга улай ал сактоонун деталлдары, шарттары жана кызмат көрсөтүү баасы кийинчерээк жарыяланарын кошумчалады.
