Республикада быйыл 56 млрд 934 млн сомго пайдалуу кендер казылды
2025-жылдын январь-октябрь айларында республика боюнча жалпы 56 млрд 934 млн 609,6 миң сомго пайдалуу кендер казылганы статистикалык маалыматтарда жарыяланды. 2024-жылдын ушул мезгилинде казылып алынган кендин көлөмү 49 млрд 103 млн 125,1 миң сом болгон.
Октябрь айында эле кен казуу тармагы 7 млрд сомго продукция өндүргөн. Тармактагы өсүүлөр негизинен металл рудаларын казып алуунун эсебинен камсыз болгон. 10 айда металл рудаларын өндүрүү 40,1 млрд сомго жеткен.
Күрөң жана таш көмүр январь-октябрь айларында 8,1 млрд сомго чейин өндүрүлүп, 108,1%ды түзгөн. Ошол эле кезде чийки мунай менен жаратылыш газын өндүрүүдө төмөндөө болуп, 8, 2 млрд сомдон 6,7 млрд сомго чейин азайган.
