"Кызыл" жана "жашыл" китептердин ордуна кадастрдык план киргизилет

"Кызыл" жана "жашыл" китептердин ордуна кадастрдык план киргизилет

Кыргызстанда “кызыл” жана “жашыл” китептер жоюлуп, алардын ордуна бирдиктүү кадастрдык план киргизилет. Бул чечим Жер кодексинин жаңы редакциясына ылайык кабыл алынганын жер ресурстары, кадастр, геодезия жана картография боюнча мамлекеттик агенттиктин директорунун орун басары Жакшылык Токтосунов маалымат жыйында билдирди.

Анын айтымында, эми “кызыл” жана “жашыл” китептер берилбейт. Эски китептер күчүндө калат, бирок жер тилкеси башка бирөөгө өткөндө жараксыз болуп, жаңы ээси үчүн кадастрдык план дайындалат.
Кадастрдык план документтерди бириктирип, кайталанууларды жок кылат жана коррупциялык тобокелдиктерди азайтат.
Ошондой эле ал жасалма документтерди чыгаруу мүмкүнчүлүктөрүн төмөндөтөт, бүтүмдөрдү жана башка жол-жоболорду жөнөкөйлөштүрөт.

“Кызыл” жана “жашыл” китептер мурда болгону кагаз түрүндө болсо, эми жаңы кадастрдык план санарип форматта да жеткиликтүү болот. Ал электрондук кызматтар порталы аркылуу берилет жана анда кадастрдык планды онлайн көрүп, текшерүүгө мүмкүн болот. 

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Ысык-Көлдө 1000ден ашык жаранга акысыз медициналык консультациялар берилди

Самарканд марафонуна 70тен ашык өлкөнүн өкүлдөрү катышууда

Жарандык авиация агенттиги C5+1 конференциясына катышты

Москва районунда ишке ашырылып жаткан инвестициялык долбоорлор аталды

Токмокто 5 жылда 28 социалдык объект пайдаланууга берилген