Т.Сатылганов паркына 10 кабат жаңы театр салынат

Ишкер Media

06 дек. 2025 16:03

Кыргыз Улуттук опера жана балет театрынын директору, КР эл артисти Муратбек Бегалиев Бишкекте жаңы 10 кабаттуу театр курулуп, ал Абдылас Малдыбаев атындагы Кыргыз Улуттук опера жана балет театры менен "алтын көпүрө" аркылуу бириктирилерин Кабар агенттигинин “Кабар подкаст” берүүсүнө берген маегинде билдирди.

“Жакында эле президентибиз Садыр Жапаров бир жыйынга катышып калды. Ошондо театрдын имаратын көрүп, “Бул имарат ремонттон өткөнбү? Реконструкция керекпи?” деп сурады.

“Акыркы ирет 2019-жылы оңдолгон экен. Имарат азыр оңдоп-түзөөгө муктаж. Бирок, ошол эле маалда бул имаратты тарыхый архитектура катары сактап калуу маанилүү болмок. Эгерде жаңы имарат курулса - бул эң сонун чечим болот эле. Бүгүнкү күндө өлкөдө бардык тармактар жаңыланып, заман талабына ылайык курулуп жатат. Эски театр генийлер эмгектенген ыйык жай. Аны туристтер да кызыгып көрөт”,-деп айттым.

“Алар жаңы имаратты салыш үчүн жер жок дешкенде мен Токтогул Сатылганов атындагы сейил бакты сунуштадым. Анткени, Токтогул Сатылганов атындагы улуттук филармония бар да, ошол паркты ошол жакка көчүрүү керектигин белгиледим.

Президент өзү да бул театр Астана операсынан жана Сидней операсынан кем болбошу керек деп белгиледи. Ал театр беш кабат өйдө, беш кабат ылдый болуп, жалпысынан 10 кабаттуу заманбап имарат болушу керек экенин айтты. Учурдагы имаратты болсо толук реставрация кылып, эки театрдын ортосуна символикалуу “алтын көпүрө” куруу идеясы сунушталды. Театрдын келечеги буйруса кең”,-деп белгиледи ал.

Мындан тышкары окуңуз

Манас аба майданынан Манас айылына чейинки жол жабылат

“Манас” аба майданынын аймагындагы жол инфраструктурасын оңдоп-түзөөнүн биринчи этабынын алкагында 23-июндан 1-июлга чейин узундугу 8 чакырым болгон тилкеде – “Манас” аба майданынан Манас айылына чейин автотранспорт каражаттарынын кыймылы убактылуу чектелет. Бишкек шаардык мэриясынын басма сөз кызматынын маалыматына ылайык, чектөөлөр жол кыймылынын коопсуздугун камсыз кылуу, ошондой эле оңдоп-түзөө

Эл аралык уюмдар Кыргызстандын суу тармагына 172 млн доллар бөлөт

Эл аралык каржы уюмдары жана өнүктүрүү боюнча өнөктөштөр Кыргызстандын сугат тутумун жаңылоо үчүн жалпысынан 172 миллион доллар бөлөт. Бул тууралуу "The Times of Central Asia" басылмасы жазды. Маалыматка ылайык, каражат өлкөдөгү сугат каналдарын жана ирригациясын жакшыртууга багытталат. Долбоор суу ресурстарын натыйжалуу пайдаланууга, дыйкандарды сугат суу менен туруктуу камсыз

Садыр Жапаров иш сапары менен Нарын облусуна барат

Президент Садыр Жапаров 23-июнда, Нарын облусуна иш сапар менен барат. Бул тууралуу президенттин басма сөз катчысы Аскат Алагөзов билдирди. Маалыматка ылайык, Мамлекет башчысы аймактын тургундары менен жолугушуп, ири инфраструктуралык, турак жай жана социалдык долбоорлордун ишке ашырылышы менен таанышмакчы. Мындан тышкары, Президент жергиликтүү бийлик органдарынын жетекчилеринин Нарын облусунун учурдагы социалдык-

Ак-Кудук айыл өкмөтүнө 68 миң сом айып пул салынды

Чүй облусунун Ысык-Ата районуна караштуу Ак-Кудук айыл өкмөтүндө мыйзамсыз таштанды талаасы аныкталып, 68 миң сом өлчөмүндө айып пул салынды. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди. Жооптуу тарапка аныкталган мыйзам бузууларды жоюу боюнча эскертүү баракчасы тапшырылып, тиешелүү талаптарды белгиленген мөөнөттө аткаруу милдеттендирилди.