Түрк инвенстициялык фонду 2026-жылы долбоордук ишин баштайт
Бишкекте Түрк инвестициялык фондунун Башкаруучулар кеңешинин экинчи жыйыны өткөнүн Экономика министрлигинин басма сөз кызматы билдирди.
Жолугушуунун жүрүшүндө фонддун долбоордук ишмердүүлүгү расмий түрдө 2026-жылдын биринчи чейрегинде баштала турганы тууралуу чечим кабыл алынды. Бул стратегиялык демилгелерди ишке ашырууда жана уюмдун практикалык ишин баштоодо маанилүү этап болуп саналат.
Жыйында катышуучулар фонддун практикалык ишмердүүлүгүн баштоонун тартибин аныктаган, даярдык этаптын аяктоосун камсыздаган негизги уюштуруучулук, каржылык жана нормативдик документтерди талкуулашты.
Фонддун толук кандуу иштей башташы экономикалык кызматташтыкты тереңдетүүгө, инвестициялык мүмкүнчүлүктөрдү кеңейтүүгө жана катышуучу мамлекеттердин туруктуу өнүгүүсүн стимулдаштырууга олуттуу шарт түзөт.
Жыйындын жыйынтыгында мындан аркы кызматташууну чыңдоого жана түрк аймагында узак мөөнөттүү өсүү менен интеграция үчүн жагымдуу шарттарды түзүүгө багыт алуу дагы бир жолу тастыкталды.
