Сауд Аравиясында кирешеси айына 13,3 миң доллардан жогору чет өлкөлүк ичимдик сатып алса болот

Ишкер Media

10 дек. 2025 10:53

Сауд Аравиясы алкоголдук ичимдиктердин жүгүртүлүшүнө байланышкан катуу эрежелерин жумшартуу боюнча дагы бир кадам жасады. Bloomberg агенттиги маалымдагандай, өлкө бийлиги расмий айлык кирешеси айына 50 миң сауд риалынан (болжол менен 13,3 миң доллар) жогору болгон, мусулман эмес чет өлкөлүктөргө ичимдик сатып алууга уруксат берди.

Маалыматка караганда, алкоголдук продукцияга жеткиликтүүлүк киреше деңгээли тастыкталгандан кийин гана берилет. Сатып алуучулар Эр-Риядда жайгашкан жалгыз расмий алкоголь дүкөнүнө кирүү укугуна ээ болуш үчүн айлык маянасы тууралуу расмий маалымкат көрсөтүүгө тийиш.

Бул дүкөн өткөн жылы ачылып, буга чейин дипломаттарды гана тейлеп келген. Эми болсо премиум-резидент макамы бар чет өлкөлүктөр үчүн да мүмкүнчүлүк кеңейтилди.

Bloomberg булактарынын маалымдашынча, сатуу айлык квота боюнча баллдык система менен жүргүзүлөт. Андан тышкары, өлкөнүн дагы эки шаарында атайын алкоголдук продукция сатылуучу жаңы дүкөндөрдүн курулушу жүрүп жатат.

Алкоголь сатууга байланышкан чектөөлөрдүн жумшартылышы — Сауд Аравиясынын коомдук нормаларды либералдаштырууга жана эл аралык бизнес үчүн жагымдуу шарттарды түзүүгө багытталган кеңири реформаларынын бир бөлүгү. Мындан мурда өлкөдө аялдардын унаа айдоосуна коюлган тыюу алынып салынган, массалык көңүл ачуу иш-чаралары мыйзамдаштырылган жана туристтик тармакты өнүктүрүү иштери башталган.

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.