Бишкекте 2026-жылы 19 миң түп дарак отургузулат

Бишкек шаарынын мэри Айбек Джунушалиев Европалык реконструкция жана өнүктүрүү банкынын (ЕРӨБ) өкүлдөрү менен мэрияда жолугушту.

Жолугушууда тараптар биргелешкен долбоорлорду жүзөгө ашыруу, анын ичинде Бишкектин жылуулук жана суу камсыздоо тармактарын өнүктүрүү, ошондой эле борбор шаардын ЕРӨБдүн "Жашыл шаарлар" программасына катышуусу боюнча маселелерди талкуулашты.

Шаар башчысы банктын өкүлдөрүн Бишкекте жүзөгө ашырылып жаткан негизги долбоорлор тууралуу маалымдады. Алардын катарында экотехнологиялык заводдун курулушу жана ишке киргизилиши, ошондой эле шаарды көк-жашылдандыруу жана абанын сапатын жакшыртуу боюнча иш-чаралар бар.

2025-жылы Бишкекте 19 миң дарак тигилген болсо, 2026-жылы 50 миң түп дарак отургузуу пландалууда.