Кыргызстанда кайсыл табийгый өсүмдүктөрдү казып сатууга тыюу салынган?
Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын директорунун орун басары Азат Сагынов "Биринчи радио" эфиринде Кыргызстанда айрым өсүмдүктөрдүн түрлөрүн пайдаланууга 2027-жылдын 1-январына чейин убактылуу тыюу (мораторий) салынганын эске салды.
Анын айтымында, Министрлер кабинети 2024-жылдын 28-майында №270 токтом кабыл алган.
Тыюу салынган өсүмдүктөрдүн катарына төмөнкүлөр кирет: макротомия (эндик), арнебия, ясенец, аконит, афлатун пиязы, родиола, самарканд бозуначы, Ольганын жжучкасы, узун мамычалуу жжучка, мамычалуу жжучка жана Чимган жжучкасы.
Тыюу төмөнкү аракеттерге тиешелүү:
- жыйноого жана кайра иштетүүгө;
- сатып алууга жана сатууга;
- ташууга жана пайдаланууга;
- өлкө аймагынан тышкары алып чыгууга (экспорттоого).
Азат Сагыновдун айтымында, мисалы, макротомия (эндик) негизинен республиканын түштүк бөлүгүндө, Токтогул районунда жыйналат. Мыйзамсыз жыйноо көбүнчө тоолуу аймактарда жүргүзүлөт. Өсүмдүктөр контрабандалык жол менен чет өлкөгө чыгарылып, сатылат. Алар дары-дармек, косметика жана башка максаттарда колдонулат.
Ал белгилегендей, аймактык инспекторлор техникалык өсүмдүктөрдү мыйзамсыз жыйноонун алдын алуу үчүн тоолордо туруктуу рейддерди өткөрүп турушат. Өсүмдүктөрдү тамыры менен казып алып, өсүмдүктөр дүйнөсүнө олуттуу зыян келтиришүүдө.
Рейддер тынымсыз, суткасына 24 саат бою ыкчам тартипте жүргүзүлөрү кошумчаланды.
