Алар-Арча дарыясынын жээгинен 17 объект демонтаждалды
Бишкек шаарынын Ленин райондук акимиаты билдиргендей, Жунусалиев көчөсүнөн Лев Толстой көчөсүнө чейинки тилкеде Ала-Арча дарыясынын коргоо аймагы текшерүүдөн өткөрүлдү.
Иш-чара шаардык кызматтардын катышуусу менен уюштурулду.
Текшерүүнүн жыйынтыгында коргоо аймагында мыйзам бузуу менен жайгашкан 17 объект демонтаждалды.
"Бишкек шаарынын муниципалдык кызматтары суу объектилеринин коргоо аймактарын бошотуу жана шаар куруу менен экологиялык талаптарды сактоо боюнча системалуу иштерди улантууда", — деп кошумчалашты акимиатта.
