Мыйзамсыз ташылган 1,5 млн сомдук товарларга бөгөт коюлду
Салык кызматынын кызматкерлери өлкө аймагына жалпы суммасы болжол менен 1,5 миллион сомду түзгөн аудиотехника, стоматологиялык материалдар жана башка товарларды мыйзамсыз ташып киргизүүгө бөгөт коюшту. Бул тууалуу аталган кызматтын басма сөз кызматынан маалымдашты.
Маалымата караганда, “Ак-Жол” көзөмөл-өткөрмө пунктунун аймагында жүргүзүлгөн рейддик салык контролунун жүрүшүндө “Toyota»” үлгүсүндөгү автоунааны текшерүү учурунда тиешелүү коштомо документтери жок магнитофондор, акустикалык системалар, стоматологиялык пломбалоочу материалдар жана башка товарлар аныкталды.
Бул факты боюнча текшерүү иш-чаралары башталды. Текшерүүнүн жыйынтыгы боюнча Кыргыз Республикасынын мыйзамдарына ылайык тиешелүү процессуалдык чечимдер кабыл алынат.
