Казакстан глобалдык гүлдөп-өнүгүү рейтингинде Борбор Азия боюнча алдыңкы орунда

Британиялык Legatum Institute аналитикалык борбору дүйнө жүзүндөгү өлкөлөрдүн гүлдөп-өнүгүүсүн баалаган жылдык Prosperity Index 2026ны жарыялады. Анын жыйынтыгына ылайык, Казакстан жана Кыргызстан глобалдык гүлдөп-өнүгүү рейтингинде Борбор Азия боюнча алдыңкы орунга чыгышкан.

Изилдөөдө экономикалык көрсөткүчтөр гана эмес, мамлекеттик башкаруунун сапаты, коопсуздук, билим берүү, саламаттыкты сактоо, инвестициялык климат, жеке эркиндиктер, айлана-чөйрө жана калктын жашоо деңгээли эске алынган.

Рейтингде улуттук бакубаттуулуктун жана туруктуу өнүгүүнүн жалпы индексин түзгөн сегиз негизги багыт боюнча 160тан ашык өлкө талдоого алынган. Дүйнөлүк алдыңкы үч орунда төмөнкү мамлекеттер турат:

1)      Швейцария
2)      Норвегия  
3)      Ирландия

Изилдөөнүн авторлору узак мөөнөттүү гүлдөп-өнүгүү кирешенин деңгээли менен гана чектелбестен, башка нерселер менен да аныкталаарын белгилешкен. Мамлекеттик институттардын натыйжалуулугу, коопсуздук, билим берүүнүн жана саламаттыкты сактоонун сапаты, ишкердиктин өнүгүшү жана өкмөткө болгон коомчулуктун ишеними да бирдей каралган.

Ага ылайык, Борбордук Азия өлкөлөрүнүн арасындагы орундар төмөндөгүдөй:

-        Казакстан — 66-орун
-        Кыргызстан — 87-орун
-        Өзбекстан — 94-орун
-        Тажикстан — 129-орун
-        Түркмөнстан — 150-орун

Казакстан экономикалык өнүгүүнүн, инвестициялык жагымдуулуктун, инфраструктуранын жана мамлекеттик башкаруунун жогорку көрсөткүчтөрүнүн аркасында аймакта талашсыз лидер саналып калды.

Ал эми дүйнөлүк рейтингдин эң төмөнкү орундарында куралдуу чыр-чатактардын, саясий туруксуздуктун жана гуманитардык кризистердин кесепеттерине туш болуп жаткан өлкөлөр турат:

-        Чад — 159-орун
-        Нигер — 160-орун
-        Эритрея — 161-орун