"Росатом" жана РКӨФ шамал электростанциясын куруу долбоорун ишке ашыруу боюнча келишимге кол коюшту
2026-жылдын 6-августунда VIII Кыргыз-россия экономикалык форумунда (Ысык-Көл обл. Бостери айылы) «НоваВинд Кыргызстан» ЖЧКсы («Росатом» мам.корпорациясынын «кайра жаралуучу энергия» дивизионуна кирет) жана Россия-кыргыз өнүгүү фонду (РКӨФ) Кыргызстандын Ысык-Көл облусунда шамал электр станциясын куруу жана эксплуатациялоо боюнча инвестициялык долбоорду иштеп чыгуу жана ишке ашыруу боюнча келишимге кол коюшту.
Документке «НоваВинд Кыргызстан» ЖЧКсынын башкы директору Дмитрий Андреев менен Россия-кыргыз өнүгүү фондунун (РКӨФ) башкармасынын төрагасы Артем Новиков кол коюшту.
«Бул келишим «Росатомдун» шамал паркын куруу боюнча Кыргызстандагы биринчи долбоорунун бир бөлүгү болуп саналат. «Росатом» долбоорлоодон жана куруудан баштап кийинки эксплуатацияга чейин шамал энергиясы долбоорлорун иштеп чыгуучу болуп саналат. Финансылык институттардын колдоосу жана жакшы тандалган каржылоо модели өлкөнүн инвестициялык климатын калыптандыраарына мен ишенем. Мында долбоорлоодон баштап эксплуатациялоого, «жашыл» энергия объектилерин курууга чейин инвестиция салууга даяр турган «Росатом» сыяктуу ири оюнчуларды Кыргызстан өзүнө тартып жатканы көрүнүп турат», - деп белгиледи Дмитрий Андреев.
“Тараптардын келишимге кол коюушу КРсы үчүн бул маанилүү инвестициялык долбоорду ишке ашырууга болгон кызыгуусун көрсөтүүдө. Россия-Кыргыз өнүктүрүү фонду өлкөнүн энергетикалык туруктуулугун чыңдоо, инвестицияларды тартуу жана Кыргызстан менен Россиянын ортосундагы өнөр жай кооперациясын кеңейтуу үчүн кайра жаралуучу энергетиканы өнүктүрүүнү маанилүү багыт катары көрөт” - деди, Артем Новиков.
Маалымат үчүн:
- “Росатом” мамлекеттик корпорациясынын “Кайра жаралуучу энергия” дивизиону шамал энергетикасы долбоорлорунун интегратору болуп саналат, шамал электр станцияларын долбоорлоодон баштап аларды техникалык тейлөөгө чейинки маселелердин толук спектрин натыйжалуу чечет. Бүгүнкү күнү Россиянын түштүгүндөгү 10 шамал электр станциясы ийгиликтүү ишке киргизилип, анын жалпы кубаттуулугу 1,3 ГВттан ашат. 2028-жылга чейин «Росатом» жалпы кубаттуулугу болжол менен 2 ГВт болгон шамал электр станцияларын ишке киргизүүнү пландаштырууда.
- Бул долбоорду Кыргызстанда - өлкөдө каттоодо турган, аймакта кайра жаралуучу энергия долбоорлорун куруу үчүн атайын түзүлгөн юридикалык жак - «НоваВинд Кыргызстан» ЖЧК ишке ашырууда («Росатомдун» «Кайра жаралуучу энергия» дивизиону кирет).
- Россия-кыргыз өнүгүү фонду 2014-жылдын 24-ноябрындагы Кыргыз Республикасынын Өкмөтү менен Россия Федерациясынын ортосундагы «Россия-кыргыз өнүгүү фонду жөнүндө» келишимге ылайык түзүлуп, иш алып барууда. Өнүгүү фонду Кыргызстандын Евразия экономикалык биримдигине интеграциялоо процессинде негизги инструмент болуп саналат. Өнүгүү фондунун максаты - Кыргызстан менен Россиянын ортосундагы экономикалык кызматташтыкты бекемдөө, кыргыз экономикасын модернизациялоо жана өнүктүрүү, ошондой эле тараптардын Евразия экономикалык интеграциясына катышуусунан келип чыккан мүмкүнчүлүктөрдү натыйжалуу пайдалануу болуп саналат.
