Студенттердин стипендиясы жогорулайт
Президент Садыр Жапаров “Кыргыз Республикасынын кесиптик башталгыч, орто жана жогорку билим берүүнүн мамлекеттик билим берүү уюмдарында билим алуучулардын стипендияларынын өлчөмдөрүн жогорулатуу жөнүндө” Жарлыкка кол койду.
Жарлыкка ылайык, кесиптик башталгыч, орто жана жогорку билим берүүнүн мамлекеттик билим берүү уюмдарында билим алуучулардын социалдык колдоону жана аларга материалдык дем берүүнү күчөтүү максаты каралган. Тийиштүү токтомдо төмөнкүлөр белгиленген:
- 2027-жылдын 1-сентябрынан тартып кесиптик башталгыч, орто жана жогорку билим берүүнүн мамлекеттик билим берүү уюмдарынын билим алуучуларына, ошондой эле ЖОЖдан кийинки кесиптик билим берүү программаларын өздөштүрүп жаткандарга төлөнүүчү стипендиялардын өлчөмдөрү жогорулатылсын.
- Кыргыз Республикасынын Министрлер Кабинети зарыл чараларды көрүп,
Жарлыкты ишке ашырууга зарыл болгон бюджеттик каражаттарды карасын. - Президенттин 2005-жылдын 19-январындагы №20 “КРнын мамлекеттик баштапкы, орто жана жогорку кесиптик окуу жайларынын студенттеринин жана окуучуларынын стипендиясынын өлчөмүн жогорулатуу жөнүндө” Жарлыгы күчүн жоготту деп таанылсын.
- Бул Жарлыктын аткарылышын контролдоо КРнын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.
