"Балага сүйүнчү" жөлөк пулдун арызын "Түндүк"аркылуу берсе болот
2026-жылдын 14-октябры, «Түндүк» мобилдик тиркемесинде «Балага сүйүнчү» мамлекеттик жөлөк пулун тариздөө боюнча электрондук кызмат ишке киргизилди. Эми ата-энелер жөлөк пул алуу үчүн арызды смартфон аркылуу берип, калкты тейлөө борборлоруна барбастан эле кызматтан пайдалана алышат. Бул тууралуу аталган министрликтен билдиришти.
Жаңы кызмат Социалдык камсыздоонун бирдиктүү тутумуна тиешелүү модулду киргизүүнүн алкагында ишке ашырылды. Бала төрөлгөнү органдарында катталгандан кийин ата-энелер санариптик кызматты колдонуп, жөлөк пул алуу үчүн арызды аралыктан бере алышат.
Электрондук кызматты ишке киргизүү жөлөк пулду тариздөө жол-жобосун жөнөкөйлөтүүгө, административдик тоскоолдуктарды азайтууга жана жаңы төрөлгөн балдары бар үй-бүлөлөр үчүн мамлекеттик колдоонун жеткиликтүүлүгүн жогорулатууга багытталган.
Ошол эле учурда жөлөкпулду КТБлар аркылуу салттуу тартипте тариздөө мүмкүнчүлүгү сакталат. Жарандар кызмат алуунун өздөрүнө ыңгайлуу жолун — электрондук же жеке кайрылуу форматын тандай алышат.
Бул кызматты ишке киргизүү Эмгек, социалдык камсыздоо жана миграция министрлигинин социалдык коргоо системасын санариптештирүү жана калк үчүн мамлекеттик кызматтардын жеткиликтүүлүгүн жогорулатуу боюнча ырааттуу ишинин бир бөлүгү болуп саналат.
