Кыргызстанда жүзүм түшүмү 6,7 эсе өстү
Кыргызстанда жүзүм өндүрүү боюнча мамлекеттик программа өз жыйынтыгын берип баштады. "Винивин" ЖЧК быйыл 950 тоннадан ашык жүзүм жыйнады, жыйноо иштери дагы уланууда. Бул тууралуу Мамлекеттик мүлктү башкаруу фонду билдирди.
Салыштыруу үчүн: 2023-жылы 620 тонна, 2024-жылы 540 тонна, ал эми 2025-жылы болгону 140 тонна жыйналган. Быйылкы көрсөткүч былтыркыдан 6,7 эсеге көп.
Ишкананын маалыматына караганда, акыркы жылдары жүзүмзарлар каралбай, куруп калуу алдында турган. Мамлекеттик мүлктү башкаруу агенттиги тарабынан талаалар өз убагында иштетилип, агротехникалык кам көрүү калыбына келтирилгенден кийин түшүм кескин өстү.
Жүзүм талааларынын аянты 307 гектарга жакын. Түшүм жыйноого 100дөн ашуун жергиликтүү тургун тартылды.
Кийинки этап - жыйналган жүзүмдү виноматериалга кайра иштетүү. Маммүлк ата мекендик өндүрүүчүлөргө виноматериалды "Винивинден" алууну сунуштады.
Бул демилге президенттин 2021-жылдагы Жарлыгы жана Министрлер Кабинетинин 2024-жылдагы №633-р буйругу менен бекитилген 2025-2029-жылдарга карата багбанчылыкты жана жүзүмчүлүктү өнүктүрүү программасынын алкагында ишке ашууда.
