DemirBank тобокелдиктерди бөлүшүү программасынын алкагындагы биринчи трансчек аралык долбоор үчүн ЕРӨБдүн сыйлыгын алды

2026-жылдын 8-октябрында Өзбекстанда Европа реконструкциялоо жана өнүктүрүү банкынын (ЕРӨБ) чакан жана орто бизнести өнүктүрүүгө арналган аймактык конференциясы болуп өттү. Иш-чаранын алкагында DemirBank "First Cross-border RSF Transaction" ("Тобокелдиктерди бөлүшүү программасынын алкагындагы биринчи трансчек аралык долбоор") сыйлыгын алды.

Бул сыйлык DemirBankтын Өзбекстандын Ташкент шаарындагы биринчи долбоорун — ЕРӨБдүн тобокелдиктерди бөлүшүү программасынын (Risk Sharing Facility, RSF) алкагында Ozone Fitness Center фитнес-борборун каржылоону ишке ашыргандыгы үчүн ыйгарылды.

Сыйлыкты ЕРӨБдүн чакан жана орто бизнести каржылоо жана өнүктүрүү боюнча башкаруучу директору Маттео Патроне (Matteo Patrone) салтанаттуу түрдө тапшырды.

Бул долбоордун ишке ашырылышы DemirBankтын эл аралык кызматташтыгын өнүктүрүүдө жана Кыргыз Республикасынын чегинен тышкары ишкердикти каржылоо мүмкүнчүлүктөрүн кеңейтүүдө маанилүү этап болуп калды.

Алынган сыйлык DemirBankтын эл аралык финансылык институттар менен кызматташтыгынын натыйжалуулугун, ошондой эле Борбордук Азияда ишкердикти өнүктүрүүгө жана экономикалык байланыштарды чыңдоого кошкон салымын баса белгилейт.

DemirBank ЕРӨБ менен өнөктөштүгүн өнүктүрүүнү, заманбап финансылык инструменттерди киргизүүнү жана аймактагы бизнестин туруктуу өнүгүүсүнө багытталган долбоорлорду колдоону улантууда.