Жаңы "Ош базарынын" негизги курулушу аяктап калды
Бишкек шаарындагы жаңы "Ош базарынын" негизги курулушу аяктады, эми жол инфраструктурасы бүткөрүлүүдө. Бул тууралуу Президенттин Иш башкармалыгынан кабарлашты.
Маалым болгондой, соодагерлер жана кардарлар үчүн заманбап шарттар түзүлүп, кышында жылуу, жайында салкын болуучу соода жайлары курулду.
Учурда базарга алып баруучу жолдун курулушу, инженердик тармактарды орнотуу жана аймакты көрктөндүрүү сыяктуу сырткы иштер уланууда.
Президентиин иш башкаруучусу Каныбек Туманбаев жаңы "Ош базарына" барып, аткарылган иштер менен таанышты.
Туманбаев калган иштерди сапаттуу жана өз мөөнөтүндө бүткөрүүнү тапшырды.
Жаңы "Ош базарын" 2027-жылдын жаз айларында ачуу пландалууда. Базар сырткы инфраструктуралык иштер толук аяктагандан кийин пайдаланууга берилет.
