Улуттук банк FinConference 2026 конференциясына катышты

Бүгүн Бишкекте Кыргызстандын финансы секторундагы технологиялык чакырыктар жана өнүгүү келечегине арналган конференция болуп өттү. Ага мамлекеттик органдардын, Улуттук банктын, коммерциялык банктардын, IT-компаниялардын, эл аралык уюмдардын жана эксперттик коомчулуктун өкүлдөрү катышты.

Улуттук банктын басма сөз кызматынын маалыматына ылайык, тараптар төмөнкү темаларды талкуулашты:

∙ финансы рыногун санариптик трансформациялоо
∙ төлөм инфраструктурасын өнүктүрүү жана финансылык кызмат көрсөтүүлөрдүн сапаты
∙ киберкоркунучтар жана алдамчылыкка каршы аракеттенүү
∙ тобокелдиктерди башкарууда жана финансы системасынын туруктуулугун камсыз кылууда жасалма интеллектти колдонуу ж.б.

FinConference 2026 финансы сектору, мамлекет жана технологиялык бизнес үчүн баарлашуучу аянтча болуп калды.