Ысык-Көлдөн дагы 500 метрлик мыйзамсыз торлор алынды
Бүгүн Жаратылыш министрлигинен Ысык-Көлдүн акваториясынан 500 метрлик мыйзамсыз балык уулоочу торлор алынганын билдиришти.
Маалымдалгандай, рейд Экологиялык жана техникалык көзөмөл кызматынын Ысык-Көл регионалдык башкармалыгы тарабынан өткөрүлгөн.
Анын жүрүшүндө Тоң жана Ысык-Көл райондорунун акваториясы каралды. Натыйжада жалпы узундугу 500 метрди түзгөн 5 даана эски балык уулоочу тор суудан чыгарылып алынды.
Мекемеден Ысык-Көлдүн экологиялык абалын сактоо, суу биоресурстарын коргоо жана мыйзамсыз балык уулоонун алдын алуу багытындагы рейддик иш-чаралар улантыларын белгилешти.
Күндүн негизги жаңылыктары — Telegram каналыбызда
Каналга катталуу