Салтанат Алыбаева “Азия банк” ЖАКнун директорлор кеңешинин мүчөсү болуп дайындалды
Кыргыз Республикасынын Улуттук банкы «Азия Банкы» жабык акционердик коому тарабынан «Азия Банкы» ЖАКтын директорлор кеңешинин көз карандысыз мүчөсү/аудит боюнча комитеттин төрагасы кызмат ордуна сунушталган Алыбаева Салтанат Курулушбековнанын талапкерлигине макулдук берүү чечимин кабыл алды.
С. Алыбаева бухгалтердик эсеп жана отчеттуулук боюнча практикалык эксперт, экономика илимдеринин доктору даражасына ээ. Ал Б.Н. Ельцин атындагы КРСУнун бухгалтердик эсеп, талдоо жана аудит кафедрасынын улук окутуучусу, доценти.
Буга чейин Салтанат Алыбаева банктык көзөмөл системасында маанилүү кызматтарды ээлеген: Банктык көзөмөл бөлүмүнүн башчысынын орун басары, Көзөмөл жана лицензиялоо методологиясы бөлүмүнүн башчысы жана Кыргыз Республикасынын Улуттук банкынын Башкарма мүчөсү болуп иштеген.
