Баткен облусундагы акча алмаштыруу бюросуна 55 000 сом айып пул салынды
КРнын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Баткен областында жайгашкан бир алмашуу бюросу жоопко тартылды.
Улуттук банктын басма сөз кызматынын маалыматына ылайык, мыйзам бузгандыгы үчүн бул алмашуу бюросуна 55 000 сом өлчөмүндө айып пул салынган.
Билдирүүгө караганда, мындан сырткары Улуттук банктын лицензиясы жок накталай чет өлкө валютасын алмаштыруу операцияларын жүргүзгөндүгү үчүн Улуттук банктын Баткен областындагы өкүлчүлүгү тарабынан 1 жаранга (А.З.Х.) 17 500 сом өлчөмүндө айып пул салынган.
