“Элкарт Мобайл” тиркемеси аркылуу Өзбекстанга акча которуу жеткиликтүү

Өзбекстанга акча которуу эми “Элкарт Мобайл” тиркемеси аркылуу жеткиликтүү болуп калды. Бул тууралуу Банктар аралык процессинг борборунун басма сөз кызматынан кабарлашты.

Билдирүүгө караганда, “Элкарт” улуттук төлөм системасы трансчек аралык операциялардын мүмкүнчүлүктөрүн кеңейтти. Эми колдонуучулар “Элкарт Мобайл” мобилдик тиркемеси аркылуу акчаны түз эле Uzcard карталарына которо алышат. Өзбекстанга акча жибериш үчүн кийинки бир нече кадамды жасоо талап кылынат:

1️⃣ “Элкарт Мобайл” тиркемесин ачыңыз;

2️⃣ “Кызмат көрсөтүүлөр жана төлөмдөр” → “Банктык кызмат көрсөтүүлөр” бөлүмдөрүнө өтүңүз;

3️⃣ “Чет элдик банк кызмат көрсөтүүлөрү” категориясын тандаңыз;

4️⃣ “Өзбекстандын карталарын толуктоо (Uzcard)” сервисин ачыңыз;

5️⃣ Алуучунун картасынын номерин жана которулчу акчанын суммасын киргизиңиз;

6️⃣ Маалыматтын тууралыгын текшерип, операцияны тастыктаңыз. Акча саналуу секунданын ичинде которулат.

Сервис Өзбекстанга акча каражаттарын жөнөтүүнүн тез, ыңгайлуу жана коопсуз ыкмаларын камсыздайт жана бүгүнкү күндө бул бардык колдонуучуларга жеткиликтүү!