БАПК банк өкүлдөрүнө улуттук төлөм системасындагы акыркы жаңылоолорду тааныштырды
2025-жылдын 19-ноябрында «Банктар аралык Процессинг Борбору» (БАПК) өлкөнүн бардык банктары жана финансы-кредиттик мекемелеринин өкулдөрү үчүн окуутуучу ишчара өткөрдү.
Аталган борбордун басма сөз кызматынан маалымдагандай, жолугушууда ФКУ өкүлдөрүнө улуттук төлөм системасындагы жаңылануулар тууралуу маалымат берилип, тажрыйба жүзүндө алардын иши көрсөтүлдү. Сессия алгач “Элкарт+” картасынын презентациясы менен ачылып, анда БАПК өкүлдөрү катышуучуларга Элкарт+ картынын негизги артыкчылыктары жана эмне үчүн ал барган сайын популярдуу болуп бара жаткандыгы тууралуу айтып беришти. Андан соң адистер техникалык темаларга кайрылышып, катышуучуларга өз ара аракеттенүү оператору ELQR кандай иштээри, виртуалдык карталар эмне үчүн керектиги жана алар кандай мүмкүнчүлүктөрдү ача алаары тууралуу түшүндүрүштү.
Мындан сырткары улуттук төлөм карт "Элкарт" карталарын тейлөө географиясынын кеңейиши жана анын артыкчылыктары тууралуу кеңири талкуулашты. Ишчаранын жыйынтыгында, накталай эмес төлөмдөрдү тез жана ыңгайлуу кылган NFC-инструменттеринин технологиялары демонстрациясы болду.
