ЕАЭБ өлкөлөрүнун ичинен Кыргызстандын бюджетинин профицити 1 млрд долларды түздү
Евразия экономикалык комиссиясынын статистика департаменти 2025-жылдын январь-сентябрь айларында Кыргызстан бюджетинин профицити 1 млрд долларды түзгөнүн жарыялады.
Республикалык бюджеттин кирешеси 9 айда – 4,9 млрд долларды, чыгашасы – 3,9 млрд долларды түзгөн. Отчетто эсептөөдө финансылык эмес активдерди сатуу жана сатып алуу да эске алынганы айтылат. Бир жыл мурун 9 айыдын жыйынтыгы менен өлкөнүн профицити 0,5 млрд доллар болгон.
Департамент отчету боюнча Кыргызстан ЕАЭБ өлкөлөрүнүн ичинен 2025-жылдын 9 айынын жыйынтыгы менен республикалык бюджеттин профицити менен чыккан жалгыз өлкө болгон.
Башка ЕАЭБ өлкөлөрүндө респблуикалык бюджеттин дефицит көлөмү төмөндөгүдөй болгон:
- Арменияда – 0,2 млрд доллар дефицит;
- Казакстанда – 5 млрд доллар дефицит;
- Россияда – 41 млрд доллар.
