"Түндүк" мобилдик тиркемеси аркылуу 21 күндө 46 713 адам насыя алууга өзүнө өзү тыюу салды
2025-жылдын 1-ноябрынан 21-ноябрына чейинки аралыкта 46 713 адам "Түндүк" мобилдик тиркемеси аркылуу насыяга алууга өзүнө өзү тыюу салганын Улуттук банк жарыялады.
Мурда да түшүндүрмө бергенибиздей, "Өзүнө-өзү тыюу салуу" – бул жаран үчүн каржы-кредиттик уюмдарда анын атына насыя жана займдарды жол-жоболоштуруу мүмкүнчүлүгүн алдын ала өз ыктыяры менен чектөөчү акысыз кызмат.
Tunduk тиркемеси аркылуу жаран өзүнө өзү тыюу салып, аны кайра алып сала алат.
1. Өз алдынча тыюу салууну орнотуу: Tunduk тиркемесине кирүү → "Насыя алууга өз алдынча тыюу салуу" кызматын тандоо → "Арызды толтуруу" баскычын басуу →кредиттик бюрону тандоо → аракетти тастыктоо. Коргоо дароо активдешет.
2. Тыюу салууну алып салуу: Ошол эле кызматка кирүү → тандоо → "Өз алдынча тыюу салууну алып салуу" баскычын басуу. Алып салуу 12 сааттан кийин автоматтык түрдө болот.
3. Алып салууну жокко чыгаруу: Арыз берилгенден кийин 12 сааттын ичинде кызматка кирип, "Арызды жокко чыгаруу→ баскычын басуу керек – коргоо активдүү бойдон калат.
