Улуттук банк «Золотая корона» кредиттик союзунун лицензиясын жокко чыгарды
Өз ыктыяры менен жоюлуу чечими кабыл алынгандыгына байланыштуу, «Золотая корона» Кредиттик союзу Финансы кооперативинин 2001-жылдын 25январындагы № 224 лицензиясы Улуттук банк тарабынан жокко чыгарылды.
Улуттук банктын басма сөз кызматынан билдиргендей, мындай чечимди кредиттик союздун өкүлдөрү 2025-жылдын 8-ноябрындагы кезексиз жалпы жыйында кабыл алышкан. Ушуга ылайык, Улуттук банк «Золотая корона» Кредиттик союзу» Финансы кооперативинин лицензиясын 2025-жылдын 20ноябрынан тартып жокко чыгарды.
Аталган кредиттик союздун юридикалык дареги: Ош областы, Араван району, Араван айылы, Ленин көчөсү, 6.
