Баткендеги ыйгарым укуктуу өкүлчүлүктүн аппарат кызматкерлерине финансылык сабак өткөрүлдү
Калктын финансылык сабаттуулук деңгээлин жогорулатуу максатында КРнын Улуттук банкынын Баткен областындагы өкүлчүлүгү Президенттин Баткен облусундагы ыйгарым укуктуу өкүлүнүн аппаратынын кызматкерлерине окутуучу көчмө семинар өткөрдү.
Семинардын жүрүшүндө улуттук валютанын калыптануу тарыхы, акчага аяр мамиле кылуу, финансылык пландаштыруу, финансылык максаттарды коюу, эсептешүүлөрдө QR-кодду колдонууну жайылтуу тууралуу маалыматтар айтылды. Ошондой эле «Түндүк» тиркемеси аркылуу кредит алууга өзүнө-өзү тыюу салууну активдештирүү жана чектөөнү алып салуу боюнча маалымат берилип, жол-жобосу тажрыйба жүзүндө көрсөтүлдү.
Мындан тышкары катышуучуларга киберкоопсуздук эрежелери, кибер коопсуздуктан коргонуу ыкмалары, алдамчылык иш-аракеттерге каршы сактык чаралары боюнча да маалыматтар берилди.
