Ош облусунда мыйзам бузган алмашуу бюролоруна чара көрүлдү
КРнын Улуттук банкынын Ош облустук башкармалыгы жүргүзгөн инспектордук текшерүүнүн жыйынтыгы боюнча мыйзам талаптарын бузган бир катар алмашуу бюролоруна карата чаралар көрүлдү.
Улуттук банктын маалыматына ылайык, текшерүү жыйынтыгында төмөнкү алмашуу бюролорунун лицензиялары убактылуу токтотулду:
- "Валюта ММА" ЖЧК (Өзгөн шаары, Манас көчөсү, борбордук базар) — 2022-жылдын 21-сентябрында берилген №6362 лицензиянын аракети 2025-жылдын 25-ноябрынан 1-декабрына чейин токтотулду;
- "Валюта Групп" ЖЧК (Ош шаары, Курманжан Датка көч., 405) — 2022-жылдын 8-августындагы №6337 лицензиянын аракети 2025-жылдын 25-ноябрынан 4-декабрына чейин токтотулду;
- "Глобал Валюта" ЖЧК (Ош шаары, Курманжан Датка көч., 403/1) — 2023-жылдын 31-майындагы №6533 лицензиянын аракети 2025-жылдын 26-ноябрынан 5-декабрына чейин токтотулду.
Мындан тышкары, мыйзам бузуулар боюнча кабыл алынган чечимдин алкагында Улуттук банктын Ош областтык башкармалыгы Ош облусунун Өзгөн районундагы дагы бир алмашуу бюросуна 55 000 сом өлчөмүндө айып пул салды.
Улуттук банк мыйзам талаптарынын сакталышын камсыздоо жана финансылык рыноктогу ачык-айкындыкты жогорулатуу боюнча көзөмөл иш-аракеттерин улантарын билдирди.
