Накталай акча позициясын жоготуп, QR менен төлөмдөр былтыркыга салыштырмалуу 20 эсе көбөйдү
ELQR ишке киргенден бери транзакциялардын саны 54,6 эсеге, ал эми төлөмдөрдүн көлөмү дээрлик 85 эсеге өстү. Мындай билдирүүнү Улуттук банктын төрагасы Мелис Тургунбаев билдирди.
Анын айтымында 2025-жылдын алгачкы алты айында эле QR аркылуу 274,9 миллиард сом иштетилген — бул мурунку жылга салыштырмалуу 20 эсе көптүк кылат.
“Накталай акча позициясын жоготууда: картадан акча алуу үчтөн бирге азайды, ал эми мындай транзакциялардын саны 26,3%га азайды. Системада накталай акча сакталып калууда — бул жетилген рыноктун белгиси. Бул өсүш: бирдиктүү стандарт, комиссиянын жоктугу жана QRду милдеттүү түрдө кабыл алуу талабына ылайык, Улуттук банктын жакшы ойлонулган саясаты менен шартталды. Натыйжада, 20 банк, 32 тиркеме жана жалпы өлкө толугу менен QR төлөмдөрүнө өттү.”- деп билдирди М.Тургунбаев.
Мындан сырткары КРУБ төрагасы - Онлайн төлөмдөр кадимки көрүнүшкө айланып, коммуналдык кызматтардан баштап мамлекеттик төлөмдөргө чейин камтып жаткандыгын жана мамлекеттин пайдасына жүргүзүлгөн төлөмдөр 371 эсеге көбөйгөндүгүн белгиледи.
