Улуттук банк акча которуулардагы комиссиялык төлөмдү убактылуу токтотту
КРнын Улуттук банк Башкармасы 2025-жылдын 3-декабрында № 2025-П-12/64-5-(ПС) токтомун кабыл алды. Ага ылайык:
- 2026-жылдын 1-январынан 31-декабрына чейин коммерциялык банктар жана төлөм уюмдары жеке адамдардан мобилдик тиркемелер жана интернет-банкинг аркылуу жүргүзүлгөн Кыргыз Республикасынын ичиндеги акча которуулар үчүн комиссиялык сый акы (комиссиялык төлөм) ала албайт.
- Ошондой эле, эсеп ачпастан эл аралык акча которуу системалары аркылуу акча алган учурда, акча которууну алуучулардан комиссиялык төлөм алынбайт.
Токтомдун максаты – санариптик финансылык кызмат көрсөтүүлөрдүн жеткиликтүүлүгүн камсыз кылуу, накталай эмес төлөмдөрдү өнүктүрүү жана керектөөчүлөрдүн укуктарын коргоо болуп саналат.
Толук маалыматты Улуттук банктын расмий сайтынан алса болот: www.nbkr.kg → Банк жөнүндө → Банк мыйзамдары → Улуттук банк Башкармасынын токтомдору.
