"Тушоо кесүү" күмүш коллекциялык монетасы жүгүртүүгө чыкты
КРнын Улуттук банкы улуттук каада-салттарды жана үрп-адаттарды чагылдыруу жана кеңири жайылтуу максатында 2025-жылдын 8-декабрынан тартып "Кыргыз үрп-адаттары жана ырым-жырымдары" сериясындагы "Тушоо кесүү" күмүш коллекциялык монетасын жүгүртүүгө чыгарууда. Бул тууралуу Улуттук банктан маалымдашты.
Бутуна ийрилген жиптин үзүгү менен өз алдынча биринчи кадамдарын жасап жаткан баланын сүрөтү монетанын негизги сюжети. Анын сол жагында ата-энеси, оң жагында боз үй жана тушоо кесүү ырымына арналган жарышта чуркап келе жаткан балдар чагылдырылган. Ошондой эле монетанын арткы бетинде ийрилген жип (аркан) менен курчалган КРнын герби түшүрүлгөн, анын жогорку бөлүгүндө бутунда бекем жана ишенимдүү турган, калпак кийген канаттуу баланын стилдештирилген сүрөтү жайгашкан.
"Тушоо кесүү" коллекциялык монетасы Кыргыз Республикасынын аймагында расмий төлөм каражаты статусуна ээ. Аталган монетаны Улуттук банктын мекемелеринин кассаларында - 6 940 сомдон сатылып жатат.
Буга чейин 2023-жылы "Кыргыз үрп-адаттары жана ырым-жырымдары" сериясындагы "Бешикке салуу" монетасы чыгарылган.
