Быйыл коммерциялык банктардын депозити 50%га көбөйгөнү белгилүү болду

Кыргызстандын банк сектору боюнча 2025-жылдын III кварталынын жыйынтыктарына ылайык, коммерциялык банктардын жалпы депозиттик портфели жыл ичинде 50%дан ашык өсүп, 800 млрд сомдон ашты.

Рыноктогу лидерлер:

"Элдик Банк" ААКсы — биринчи орун, депозиттик портфели 148,5 млрд сом. Жылдык өсүш +115,7% (68,9 млрд сомдон).

• "Айыл Банк" ААКсы — экинчи орун, 131,7 млрд сом (+19,1%, мурда 110,5 млрд сом).
• "Мбанк" ААКсы — үчүнчү орунду ишенимдүү сактап турат, 118,9 млрд сом (+77,7%, мурда 66,9 млрд сом).

Эң жогорку өсүш көрсөткөндөр:

• "Элдик Банк" ААКы — +115,7%
• "О!Банк" ААКы — +91,8%
• "Банк Компаньон" ЖАКы — +87,4%
• "Мбанк" ААКы — +77,7%

21 банктын биргелешкен депозиттик портфели жыл ичинде болжол менен 540 млрд сомдон 800 млрд сомдон ашык суммага жетип, 50%дан ашык өсүштү көрсөттү. Ошол эле учурда, бардык банктар оң динамика көрсөтө алган эмес.