2 коммерциялык банкка 293 000 сом айып пул салынды

Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү (КИК/ККЛК) чөйрөсүндөгү КРнын мыйзамдарынын талаптарын бузгандыгы үчүн 2 коммерциялык банк жоопкерчиликке тартылды

КРнын Финансы министрлигине караштуу Финансылык чалгындоо мамлекеттик кызматынан кабарлагандай, 2 коммерциялык банк КРнын Укук бузуулар жөнүндө кодексинин 355-беренесине ылайык жоопко тартылган.

Билдирүүгө караганда, текшерүү учурунда Финансылык чалгындоо кызматы кийнки мыйзам бузууларды аныкташкан:

·       ички контролдоо тутумун уюштуруу боюнча талаптарды бузгандыгы;

·       финансылык чалгындоо органы тарабынан суралган маалыматтарды жана документтерди берүүнүн талаптарын, тартибин жана мөөнөтүн бузгандыгы;

·       контролдонууга жана билдирилүүгө тийиш болгон операциялар (бүтүмдөр) жөнүндө билдирүүлөрдү берүүнүн тартибин жана мөөнөттөрүн колдонуу боюнча талаптарды бузгандыгы;

·       ошондой эле КИК/ККЛК чөйрөсүндөгү КРнын мыйзамдарында белгиленген максаттуу финансылык санкцияларды колдонуу боюнча талаптарды бузган

Жогоруда аталган мыйзам бузуулар үчүн 2 коммерциялык банкка жалпы суммасы 293 000 сом айып пул салынган.