КРУБ бир коммерциялык банкка айып пул салып, бир алмашуу бюросунун лицензиясын токтотту
2025-жылдын 5-декабрында бир коммерциялык банк кылмыштуу ишти каржылоого жана кылмыштуу кирешелерди легалдаштырууга (адалдоого) каршы күрөшүү боюнча КРнын мыйзам талаптарын жана ички контролдоо системасын уюштуруу талаптарын бузгандыгы Улуттук банк тарабынан аныкталды. Бул тууралуу Улуттук банктан маалымдашты.
Билдирүүгө караганда, мыйзам бузууга жол берген бул коммерциялык банкка 21 600 000 сом өлчөмүндө айып пул салынды.
Мындан сырткары КРнын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы «Экспо Гранд плюс» алмашуу бюросу ЖЧКнын лицензиясынын аракети 2025-жылдын 9-декабрынан тартып 23-декабрын кошо алгандагы мезгил аралыгына чейин токтотулду.
