Абайлаңыз, алдамчылар!
Алдамчылар Улуттук банктын логотиби жана Улуттук банктын төрагасы М.Тургунбаевдин жасалма колу коюлган жалган документти мессенджерлер аркылуу таратып жатышат.
Бул документ анык эместигин Улуттук банк расмий баракчасында жарыялады.
Билдирүүдө, Улуттук банк жарандарга мессенджерлер аркылуу расмий документтерди жөнөтпөстүгү, акча которууну сурбастыгы жана жеке жарандарга кызмат көрсөтпөстүгү эскертилген.
"Мындай "билдирүүлөрдүн" негизинде эч кандай төлөмдөрдү жүргүзбөңүз. Маалыматты Улуттук банктын расмий каналдары аркылуу тактаңыз. Эгерде сиз алдамчылыктын курмандыгы болгонуңузду түшүнсөңүз, дароо укук коргоо органдарына кайрылыңыз." - дейт билдирүүдө.
