Казакстандын Улуттук банкы “Казак күрөшү” монетасын чыгарды. Анын КРУБ “Кыргыз күрөшүнөн” айырмасы
Казакстан Республикасынын Улуттук Банкы «Казакстандын каада-салттары, улуттук оюндары» сериясынын алкагында “QAZAQ KÚRESI” аттуу коллекциялык монеталарын бүгүнтөн баштап жүгүртүүгө чыгарды. Бул тууралуу Казакстандын Улуттук банкынын маалымат кызматынан кабарлашты.
Билдирүүгө караганда, «Қазақ күресі» —бул эки балбандын күчүн, шамдагайлыгын жана чыдамкайлыгын сынаган казак элинин салттуу улуттук күрөшү болуп саналат. Бул коллекциялык монеталар Казакстан монета сарайында 3 түрдө: күмүш, мельхиор жана нейзильбер эритмелеринен жасалган. Алар төмөнкүдөй даярдалган:
- Мельхиор эритмесинен, салмагы 15 грамм, диаметри 33 мм, жасалуу сапаты brilliant uncirculated, номиналы 200 теңге, тиражы 5 000 даана;
- Нейзильбер эритмесинен, салмагы 11,17 грамм, диаметри 31 мм, жасалуу сапаты uncirculated, номиналы 200 теңге, тиражы 50 000 даана.
Ал эми Кыргыз Республикасынын Улуттук банкы «Дүйнөлүк көчмөндөр оюндары» сериясынынын алкагында чыгарылган «Кыргыз күрөш» монетасы мындан 5 жыл мурда 2020-жылы чыгарган. Монеталары алдыңкы бетинин негизги сюжетин көрүүчүлөрдүн, боз үйлөр менен тоолордун фонунда күрөшүп жаткан балбандар түзөт. Монеталар төмөнкүдөй даярдалган:
- жез-никель эритмесинен, диаметри 30 мм, салмагы 12 грамм, жасалуу сапаты proof-like, номиналы 1 сом, нускасы 5 000 даана. Күмүш монетасынын дизайны менен туура келет.
КРУБ монеталары улуттук спорттун бул түрүн кайрадан өнүктүрүү жана даңазалоо максатында чыгарылганын маалымдап, IV Дүйнөлүк көчмөндөр оюндарына арналганын жана кыргыз күрөш кыргыз элинин улуттук спорт оюндарынын байыркы түрлөрүнүн бирине кирерин, көрүүчүлөрдүн бүйүрүн кызыткан эң эле кызыктуу оюндардын бири экенин белгилөөгө аракет кылган.
